الحدث اللى حصل دة هو صحيح مغيرش حاجة على المستوى السياسى بس فش غـــل عرب كتير ارفانين من بوش وسياسته المزيفة
بس واضح ان عائلة بوش ليها مواقف كتيرة مع الجزم من ضمنها قصة طريفة مع بوش الاب كانت فى صحفية بتكتب عن بوش الاكبر انه بعيد عن الشعب ومش حاسس بالشعب فكتبت ان بوش مش حاسس بالشعب لانه مولود وفى بقه جزمه فضة , فبعتلها بوش شكرة فى ورقة ومعاه جزمة فضة صغيرة , و من ضمن المواقف بردة ان الرئيس الراحل صدام حسين بعد حرب الخليج رسم صورة بوش الاكبر على ارض المؤتمرات الصحفية عشان الصحفين الاجانب وهما داخلين اى مؤتمر يدوسوا على صورته , وتختم بقصة الصحفى اللى فش غلنا كلنا الصحفى / منتظر الزيدى اللى حدف بوش بحذائه الشريف
بس المستفز ان العراقين اللى المفروض حاسين بمنتظر هما اللى يتكاتلوا عليه بالضرب , ومش هقدر معلقش على سرعة البديهة بتاعت بوش ولياقته البدنيه للأنه تفادى مش فردة واحدة لا دا فردتين
1 comment:
ومش هقدر معلقش على سرعة البديهة بتاعت بوش ولياقته البدنيه للأنه تفادى مش فردة واحدة لا دا فردتين
انا لما شفتها قلت انها مترتبه ولا حاجه
مش معقوله سرعه البديه والحركه دي
الصحفي صحيح فش غلبنا بس منظره وهما بيضربوا بعد كدا يوجع القلب
Post a Comment