انا عاوزة اقول وجهة نظرى فى موضوع التحرش عامه (ونهى رشدى خاصة) محدش قال ان البنت وحشه ولا انها تسيب حقها هى ممكن تأخد حقها بس من غير شوشرة وممكن كانت تطلع فى البرنامج من غير ما شكلها يبان يعنى بصوتها فقط ودا طبعا فى وجهة نظرى احسن من الشوشرة عليها وظهورها فى المجالات وفى الفضائيات .... ودا لان اعلامنا يروج اللاخبار السيئه بصورة مبالغ فيها
ودا من اشاعة الفاحشه والفساد فى المجتمع وخاصة لما تكون واحدة متبرجه .
فلسفة الفقر
8 years ago
3 comments:
وجهة نظرك سليمه يا ميره
لاني ملاحظه ان الموضوع حصل حوليه كلام كتير والشاعات كترت وكل حد يكلم ويقول اللي هو عايزه من غير اساس
ربنا يهدي الجميع
تحياتي
فراشه الشتاء
علي فكرة انا مش متفق معاكي خالص
اولا القضية هى اللى ركزت علي نهي مش هي اللى راحت للإعلام
وبعدين حكاية صوتها بس بترجعنا لمشكلة معاملة المرأة علي انها جسد
بصي شكلها ولا صوتها مش فارقه علي العكس شكلها هيخلي الناس تقتنع اكتر بالفكرة لما حد قدامهم بيناقش ويتكلم ويتفاعل مش مجرد صوت يمكن حد يطلع يقول دا متفبرك او مش حقيقي
كلامك بجد بيأكد فكرة ان المرأة عندنا كلها عورة والمفروض ما تعملش اي حاجة
المشكلة مش ف نهي ولا ف ظهورها وشكلها
المشكلة فالمجتمع
الأزمة أزمة امة بحالها
تحياتي ..،
اولا انا بشكرك على رآيك لان مجتمعنا فى حاجة لاحترام الرآى والرآى الاخر ... انا معاك ان القضيه هى اللى ركزت ع نهى و دة لان مجتمعنا فعلا بينظر للمرآة نظرة غير سليمة ولان اعلامنا بيحب يزود المواضيع ولكن مش الصورة هى اللى هتخلى الناس تقتنع , نبرة الصوت ومنطق الكلام وقوة الحجة كافيه لاقناع الناس ,وقصدى من اخفاء الصورة ان الناس مش تأخد شكلها او طريقة لبسها سبب كافى لفعل التحرش.
Post a Comment